राजकुमार ओली काठमाडौँ
घरजग्गा कारोबारबाट माघ महिनामा झन्डै ४ अर्ब रुपैयाँ राजस्व संकलन भएको छ।
पछिल्लो समय घरजग्गा कारोबारको ले गति लिएसँगै यो माघ महिनामा मात्रै ३ अर्ब ८७ करोड २४ लाख रुपैयाँ राजस्व प्राप्त भएको देखिएको हो।
घरजग्गाको कारोबार सुधारोन्मुख देखिएको भए पनि गत पुसको तुलनामा माघमा भने राजस्व संकलनमा गिरावट आएको देखिएको छ
घरजग्गा कारोबारको विवरण राख्ने भूमि व्यवस्था तथा अभिलेख विभागका अनुसार गत माघमा तीन अर्ब ८७ करोड २४ लाख ८१ हजार छ सय ४७ रुपैयाँ बराबर राजस्व संकलन भएको छ । गत पुसमा चार अर्ब २५ करोड २२ लाख २१ हजार सात सय ७९ रुपैयाँ राजस्व संकलन भएको थियो । विभागका अनुसार गत मंसिरमा तीन अर्ब ८७ करोड ४८ लाख २६ हजार नौ सय ७६ रुपैयाँ राजस्व प्राप्त भएको थियो ।
चालु आर्थिक वर्षको सात महिनाको विवरणअनुसार राजस्व संकलनमा सामान्य वृद्धि भएको छ । गत आवको सोही अवधिको तुलना चालु आवको सात महिनामा राजस्व संकलनमा झण्डै १४ प्रतिशतले वृद्धि भएको छ । चालु आवको माघ मसान्तसम्म कुल २४ अर्ब ७१ करोड रुपैयाँ बराबर राजस्व संकलन भएको भूमि व्यवस्था तथा अभिलेख विभागले जनाएको छ ।
गत आवको सोही अवधिमा २१ अर्ब ६५ करोड रुपैयाँ बराबर राजस्व संकलन भएको थियो । गत माघमा कुल ४६ हजार ५० हजार ६९ लिखत पारित भएको थियो भने गत पुसमा त्यो संख्या ४८ हजार एक सय ५६ थियो ।
काठमाडौं उपत्यकाभित्रका विभिन्न नौवटा मालपोत कार्यालयमध्ये सबैभन्दा बढी भूमिसुधार तथा मालपोत कार्यालय लगनखेलले राजस्व संकलन गरेको छ । कार्यालयले ३३ करोड ७४ लाख रुपैयाँ राजस्व संकलन गरेको विवरणमा देखिन्छ ।
यस्तै, डिल्लीबजार मालपोत कार्यालयले २६ करोड ९२ लाख रुपैयाँ, कलङ्की मालपोतबाट २६ करोड एक लाख रुपैयाँ, मालपोत कार्यालय चाबहिलले २० करोड ८० लाख रुपैयाँ तथा भक्तपुर मालपोत कार्यालयले २४ करोड ४२ लाख रुपैयाँ बराबरको राजस्व संकलन गरेको विभागले जनाएको छ ।देशभर घरजग्गा कारोबार क्रमशः सुधारोन्मुख भए पनि माघ महिनामा राजस्व संकलनमा केही गिरावट देखिएको छ।
मुख्य बुँदा:
माघ महिनामा राजस्व संकलन: ३ अर्ब ८७ करोड २४ लाख
पुस महिनामा संकलन: ४ अर्ब २५ करोड २२ लाख (माघको तुलनामा घटेको)
मंसिर महिनाको संकलन: ३ अर्ब ८७ करोड ४८ लाख
चालु आर्थिक वर्ष (सात महिना) को कुल संकलन: २४ अर्ब ७१ करोड
गत वर्षको सोही अवधिको तुलनामा वृद्धि: झण्डै १४%
काठमाडौं उपत्यकाका मुख्य मालपोत कार्यालयहरूको राजस्व संकलन:
1. लगनखेल मालपोत कार्यालय: ३३ करोड ७४ लाख
2. डिल्लीबजार मालपोत कार्यालय: २६ करोड ९२ लाख
3. कलंकी मालपोत कार्यालय: २६ करोड १ लाख
4. चाबहिल मालपोत कार्यालय: २० करोड ८० लाख
5. भक्तपुर मालपोत कार्यालय: २४ करोड ४२ लाख
माघ महिनामा लिखत पारित हुने संख्यामा पनि कमी आएको देखिन्छ। पुस महिनामा ४८,१५६ लिखत पारित भएकोमा माघमा ४६,०५० मात्रै पारित भए।
समग्र विश्लेषण:
घरजग्गा कारोबार सुधार हुँदै गए पनि मासिक उतारचढ़ाव कायम छ। चालु आवको कुल राजस्व संकलन भने अघिल्लो वर्षको तुलनामा सकारात्मक देखिएको छ।
