राजकुमार ओली। बिर्तामोड
झापा जिल्ला खेलकुद प्रतियोगिता सम्पन्न सोह्रौँ– झापा जिल्लामा सम्पन्न अन्तर-नगरपालिका खेलकुद प्रतियोगितामा दमक नगरपालिकाले उत्कृष्ट प्रदर्शन गर्दै पहिलो स्थान हासिल गरेको छ। विभिन्न खेल विधामा दमकले सर्वाधिक पदक जित्दै अग्रस्थान बनाएको हो।
तेक्वान्दो र उसुमा दमकको प्रभावशाली प्रदर्शन
प्रतियोगितामा दमक नगरपालिकाले तेक्वान्दोतर्फ ४ कास्य तथा उसुतर्फ ५ कास्य पदक जित्दै उत्कृष्टता प्रदर्शन गर्यो।
शीर्ष पाँचमा यी नगरपालिकाहरू
समग्रमा, दमक नगरपालिकाले सर्वाधिक पदक जित्दै शीर्ष स्थान हासिल गर्यो भने अन्य नगरपालिकाहरूले पनि प्रतिस्पर्धात्मक प्रदर्शन गरे।
1. दमक नगरपालिका – ८ स्वर्ण, २ रजत, ७ कास्य (पहिलो)
2. बिर्तामोड नगरपालिका – ७ स्वर्ण, ७ रजत, १७ कास्य (दोस्रो)
3. शिवसताक्षी नगरपालिका – ८ स्वर्ण, २ रजत, ७ कास्य (तेस्रो)
4. कनकाई नगरपालिका – ३ स्वर्ण, २ रजत, ५ कास्य (चौथो)
5. बाह्रदशी गाउँपालिका – ३ स्वर्ण, २ रजत, ३ कास्य (पाँचौँ)
अन्य नगर तथा गाउँपालिकाहरूको प्रदर्शन
हल्दिबारी, गौरीगञ्ज, गौरादह, भद्रपुर, कमल लगायतका स्थानीय तहहरूले पनि विभिन्न पदक जिते। झापा गाउँपालिकाले १ स्वर्ण, २ रजत, १ कास्य पदक जित्दै १४ औँ स्थान ओगट्यो भने कचनकवल गाउँपालिका १ रजत, १ कास्यसहित अन्तिम स्थानमा रह्यो।
कुन-कुन खेल समावेश थिए?
प्रतियोगितामा एथलेटिक्स, भलिबल, कबड्डी, कराते, तेक्वान्दो र उसुजस्ता खेलहरू समावेश थिए।
विजयी खेलाडीहरूलाई सम्मान
प्रतियोगिताका विजेताहरूलाई प्रमुख अतिथि कोशी प्रदेशका खानेपानी, सिँचाइ तथा ऊर्जामन्त्री एकराज कार्की, कोशी प्रदेश खेलकुद विकास बोर्डकी उपाध्यक्ष बिन्दिया कार्की, प्रतियोगिता आयोजक समितिका अध्यक्ष भण्डारी, बिर्तामोड नगर उपप्रमुख नगेन्द्रप्रसाद संग्रौलालगायतले ट्रफी, मेडल तथा प्रमाणपत्र प्रदान गरे।
१५ वटै स्थानीय तहको सहभागिता
प्रतियोगितामा झापा जिल्लाका १५ वटै स्थानीय तहका खेलाडीहरूले भाग लिएका थिए। आयोजक समितिका प्रवक्ता जगन कार्कीका अनुसार प्रतियोगिता भव्य रूपमा सम्पन्न भएको छ।
