अर्जुनधारा नगरपालिकाको बजेट ७६ करोड ११ लाख …

0
SHARES
4
VIEWS

झापाको अर्जुनधारा नगरपालिकाले आर्थिक बर्ष २०८०/०८१ का लागि ७६ करोड ११ लाख ८० हजार रुपैयाँको बजेट प्रस्तुत गरेको छ । नगरपालिकाको सभाहलमा आइतवार (आज) आयोजित १३ औं नियमित अधिवेशनमा आगामी आर्थिक बर्ष नीति तथा कार्यक्रम प्रस्तुत गरेको हो ।

अर्जुनधारा नगरपालिकाका प्रमुख बलदेबसिंह गोम्देन तामाङको सभाध्यक्षमा भएको कार्यक्रममा नगर उप–प्रमुख तथा बजेट तथा कार्यक्रम तर्जुमा समितिकी संयोजक खड्गमाया पराजुलीले आगामी नीति तथा कार्यक्रमसहित बजेट प्रस्तुत गरेकी थिइन् ।

नेपाल सरकारबाट हस्तान्तरित सशर्त कार्यक्रम २८ करोड ३० लाख, नेपाल सरकारबाट हस्तान्तरित समपूरक अनुदान ९० लाख, नेपाल सरकारबाट हस्तान्तरित बिशेष अनुदान १ करोड ४५ लाख र प्रदेश सरकारबाट हस्तान्तरित सशर्त कार्यक्रम २ करोड ४८ लाख ७५ हजार, प्रदेश सरकारबाट हस्तान्तरित समपूरक अनुदान १ करोड ३० लाख रुपैयाँ रहेको छ ।

त्यसैगरी समपूरक कोष ३ करोड, साँझेदारी कोष १ करोड ८० लाख, प्रस्तावनामा आधारित कार्यक्रम ४० लाख, जहाँ अभर त्यहाँ नगर कार्यक्रम सञ्चालन ५० लाख, बिपद ब्यवस्थापन कोष ६० लाख, संघ÷संस्था प्रर्वद्धन कार्यक्रम ४० लाख, भुमि ब्यवस्थापन सम्बन्धि कार्यक्रमहरु ४५ लाख, नगर गौरबको आयोजनाहरु १ करोड १३ लाख, पूर्वाधार बिकास सम्बन्धि कार्यक्रमहरु २ करोड ५५ लाख, सामाजिक बिकास सम्बन्धि कार्यक्राहरु ४ करोड ५५ लाख, आर्थिक बिकास सम्बन्धि कार्यक्रमहरु १ करोड ८७ लाख, वातावरण तथा बिपद ब्यवस्थापन सम्बन्धि कार्यक्रमहरु ७५ लाख, सुशासन तथा संस्थागत विकास सम्बन्धि कार्यक्रमहरु ७८ लाख, वडास्तरीय योजनाहरु ९ करोड ९० लाख, प्रशासनिक खर्च १३ करोड ५ हजार गरी जम्मा ७६ करोड ११ लाख ८० हजार रुपैयाँको बजेट प्रस्तुत गरिएको हो ।

आर्थिक बर्ष २०७९/०८० को ९७ करोड ८६ लाख ७६ हजार बराबरको संम्सोधनसहित बजेट स्वीकृत भएकोमा ब्ययतर्फ २०८० जेठ मसान्तसम्म पुँजीगततर्फ ६३.८४ प्रतिशत र चालुतर्फ ६७.५१ प्रतिशत र बित्तियतर्फ सतप्रतिशत खर्च भइसकेको नगर उपप्रमुख पराजुलीले जानकारी दिइन् । कार्यक्रममा नगरकी प्रमुख प्रकाशकीय अधिकृतसहित ११ वटै वडाका वडाध्यक्ष तथा वडा सदस्य, कार्यपालिका सदस्यलगायतको उपस्थिति रहेको थियो । आगामी असार १३ गते दिउँसो २ बजे बैठक बस्ने गरी १३ औं नियमित अधिवेशन सम्पन्न भएको थियो ।sabdapatra

यो खबर पढेर तपाईलाई कस्तो महसुस भयो ?
शेयर गर्नुहोस:

Discussion about this post

सम्बन्धित समाचार

Related Posts

ताजा समाचार