नेपाल खेलकुद महासङ्घको प्रशिक्षण कार्यक्रम सम्पन्न

नेपाल खेलकुद महासङ्घको तीन दिने प्रशिक्षण कार्यक्रम बानेश्वरमा सम्पन्न भएको छ। महासङ्घको केन्द्रीय कार्यालय नयाँ बानेश्वरमा गत असार ६ गतेबाट सुरु भएको स्थायी कमिटीको बैठक तथा प्रशिक्षण कार्यक्रम भव्य रुपमा सम्पन्न भएको हो।
नेपाल खेलकुद महासंघको स्थायी कमिटी तीन दिन बैठक तथा प्रशिक्षक प्रशिक्षण कार्यक्रम सम्पन्न गरेर विविध महत्वपूर्ण निर्णयहरू समेत पारित गरेको छ।

मंगलबारबाट सुरु भएको प्रशिक्षण कार्यक्रम आज नेकपा एमाले उपमहासचिव प्रदीप ज्ञवालीले समापन गर्नुभयो

महासंघको केन्द्रीय कार्यालय बानेश्वरमा आयोजित कार्यक्रममा तालिमका सहभागीलाई ज्ञवालीले प्रमाणपत्र वितरण गर्नुभयो ।

कार्यक्रममा बोल्दै ज्ञवालीले वैचारिक रूपमा प्रतिबद्ध कार्यकर्ताले मात्र संगठनको कामलाई सही रूपमा अघि बढाउन सक्ने बताउनुभयो । त्यसैले प्रशिक्षणका कार्यक्रमलाई निरन्तरता दिनु पर्ने र तलसम्म लैजानु पर्नेमा उहाँले जोड दिनुभयो ।

प्रशिक्षक प्रशिक्षण तालिम लिएका सहभागीले प्रशिक्षण कार्यक्रमलाई तलसम्म लैजाने उहाँले विश्वास व्यक्त गर्नुभयो ।

महासंघका अध्यक्ष पर्शुराम बस्नेतको अध्यक्षतामा भएको कार्यक्रमको एमालेका महासचिव शंकर पोखरेलले मंगलबार शुभारम्भ गर्नुभएको थियो ।
सहभागीलाई नेकपा एमाले स्थायी कमिटी सदस्य एवं विदेश विभाग प्रमुख डा.राजन भट्टराई, नेकपा एमाले स्थायी कमिटी सदस्य एवं महासंघका इन्चार्ज कर्णबहादुर थापा, पोलिटब्युरो सदस्य ईश्वरी रिजाल, केन्द्रीय कमिटी सदस्य रचना खड्का लगायतले प्रशिक्षण दिनुभएको महासंघका कोषाध्यक्ष तथा प्रवक्ता उज्वल सुवेदीले जानकारी दिनुभयो ।

तयार भएका प्रशिक्षकहरूबाट तलसम्म प्रशिक्षण कार्यक्रम सञ्चालन गरिने उहाँले बताउनुभयो

यो खबर पढेर तपाईलाई कस्तो महसुस भयो ?

Array