थापाथलीका सुकुम्बासी र काठमाडौं महानगरपालिकाका नगर प्रहरीबीचको झडपमा घाइते सबैजनाको नर्भिक इन्टरनेशनल हस्पिटलले नि:शुल्क उपचार गरेको छ ।
सोमबार थापाथलीस्थित सुकुम्बासी वस्तीका अबैध संरचना भत्काउन डोजरसहित पुगेको महानगरका प्रहरीहरुको टोलीसँग सुकम्बासीको झडप भएको थियो । सो क्रममा महानगरका ३४ नगर प्रहरीसहित ३६ जना घाइते भएका थिए ।
घाइतेहरुलाई तत्कालै थापाथलीस्थित नर्भिक अस्पतालको आकस्मिक कक्षमा पुर्याइएको थियो । अस्पतालले आफ्नो आकस्मिक कक्षमा आएका नगरप्रहरीसहित सबै घाइतेको नि:शुल्क उपचार गरेको जानकारी दिएको छ ।
नर्भिक अन्तर्राष्ट्रिय अस्पतालका प्रमुख कार्यकारी अधिकृत अजयकुमार मिश्रले सुकुम्बासी बस्तीमा भएको झडपमा परी घाइते काठमाण्डौ महानगरका नगरप्रहरीसहित सबैको इमरजेन्सीमा व्यवस्थित ढंगले उपचार गरिएको र त्यहाँ सबैको उपचार नि:शुल्क गरिएको जानकारी दिए ।
झडपमा घाइतेमध्ये उपचारपछि ३३ जना सोमबार साँझ नै घर फर्किएका थिए । गम्भीर घाइते तीन नगर प्रहरीको भने अहिले समेत नर्भिकमै उपचार जारी राखिएको पनि उनले बताएका छन् ।
सीईओ मिश्रकाअनुसार नर्भिकले ३६ जना घाइतेहरुको ३ घण्टाभित्रमा उपचार सकेको थियो । नर्भिकको आकस्मिक उपचार सेवाको महानगरका मेयर बालेन शाह र उपमेयर सुनिता डंगोलले समेत प्रशंसा गरेका थिए ।
घटनापछि राति मेयर शाह र उपमेयर डंगोल घाइतेहरुको अवस्था बुझ्न नर्भिक अस्पताल आएका थिए ।
नर्भिक अस्पतालले अस्पतालसँगै रहेको काठमाडौं महानगरपालिकाको जग्गा न्यून भाडादरमा लिएर भोगचलन गरिरहेको छ । त्यसबारे तथ्य उजागर गरेपछि मेयर शाहले महानगरको तर्फबाट जग्गा तत्काल खाली गर्न पत्राचार गरेका थिए । तर, नर्भिकले तत्कालै अदालतबाट अन्तरिम आदेश लिएर जग्गा खाली नगर्ने अडान लिँदै आएको छ ।
भने अनुसार जग्गा खाली नगरेपछि मेयर शाह नर्भिक अस्पतालसँग रुष्ट बनेका छन् । रुष्ट रहेका उनलाई खुशी पार्न नर्भिकले नगर प्रहरीको उपचार नि:शुल्क गरेको चर्चा हुन थालेको छdainiknepal
Discussion about this post