मेचिनगर।
मेचिनगर लेडी जेसिजको १२औँ वार्षिक साधारणसभा सम्पन्न भएको छ। साधारणसभाबाट वर्ष २०२६ का लागि जेसि रिता श्रेष्ठ अध्यक्षमा निर्वाचित हुनुभएको छ।
नवनिर्वाचित कार्यसमितिमा कार्यकारिणी उपाध्यक्षमा जेसि नवीना डागि र जेसि सर्मिला तिमिल्सिना चयन हुनुभएको छ। त्यसैगरी उपाध्यक्षहरूमा जेसि प्रमिला ओली, जेसि तेजकुमारी घिमिरे, जेसि सोनिका भट्टराई र जेसि सृजना घिमिरे निर्वाचित हुनुभएको छ।
कार्यक्रमका अवसरमा वर्ष २०२४ की अध्यक्ष तथा निर्वाचन आयुक्त जेसि पवित्रा प्रसाईंले नवनिर्वाचित अध्यक्ष र सम्पूर्ण बोर्डका पदाधिकारीहरूलाई हार्दिक बधाई तथा सफल कार्यकालको शुभकामना व्यक्त गर्नुभयो। उहाँले नेतृत्वले संस्थालाई अझ सशक्त, प्रभावकारी र समाजसेवामुखी बनाउने विश्वास व्यक्त गर्नुभयो।
साधारणसभामा संस्थाको वार्षिक प्रतिवेदन प्रस्तुत गर्नुका साथै आगामी कार्यदिशा, महिला सशक्तीकरण, नेतृत्व विकास र सामाजिक सेवासम्बन्धी कार्यक्रमहरूलाई निरन्तरता दिने प्रतिबद्धता व्यक्त गरिएको थियो।
मेचिनगर लेडी जेसिजले आगामी दिनमा महिला नेतृत्व विकास, सामाजिक उत्तरदायित्व र समुदाय केन्द्रित कार्यक्रमहरूलाई प्राथमिकतामा राखेर अघि बढ्ने जनाएको छ।
