काठमाडौं, १५ साउन (पूर्व खबर)
नेपाल खेलकुद महासङ्घको केन्द्रीय पदाधिकारी बैठक राजधानीको बानेश्वर हाइटस्थित केन्द्रीय कार्यालयमा सम्पन्न भएको छ।
केन्द्रीय अध्यक्ष परशुराम बस्नेतको अध्यक्षतामा सम्पन्न उक्त बैठकले संगठन सुदृढीकरण, भावी कार्यक्रम र सांगठनिक अनुशासनबारे गहन छलफल गरेको महासङ्घले जनाएको छ।
बैठकमा अध्यक्ष बस्नेतले नेकपा (एमाले) अध्यक्ष केपी शर्मा ओलीप्रति दृढ समर्थन जनाउँदै भने, “ओली राष्ट्रको आवश्यकता हुन्, विकल्प होइन। अहिलेको राजनीतिक, सामाजिक र राष्ट्रिय चुनौतीको सामना गर्न सक्ने दृढ, स्पष्ट र निडर नेतृत्व ओलीसंग मात्रै छ।”
कार्यक्रममा प्रमुख अतिथिको रूपमा उपस्थित महासङ्घका इन्चार्ज जगन्नाथ थपलियाले संगठनात्मक एकता र समन्वयमा जोड दिनुहुँदै वर्तमान नेतृत्वको सक्रियता सराहनीय रहेको बताए।
बैठकमा सहभागी पदाधिकारीहरूको सूची यसप्रकार रहेको थियो:
अध्यक्ष : परशुराम बस्नेत
प्रमुख अतिथि/इन्चार्ज : जगन्नाथ थपलिया
उपाध्यक्ष : धर्मकुमार श्रेष्ठ, निरेशलाल सिंह महर्जन, तिरणदाज गौतम, नन्दा बस्याल, सन्जु महर्जन
महासचिव : धरमबहादुर लामा
सचिव : पनिर अधिकारी, शिवजी गुप्ता, विष्णु चन्द, प्रभुनारायण शिवाकोटी, तीर्थबहादुर खड्का, विप्लव घोष, विष्णुदत्त
कोषाध्यक्ष : उज्ज्वल सुवेदी
बैठकमा सहभागिता जनाएका केन्द्रीय प्रचार विभागका सचिव राजकुमार ओलीले महासङ्घले राष्ट्रिय खेल नीति र खेलकुद विकासमा अग्रसर भूमिका खेल्ने तयारी गरिरहेको जानकारी दिए।
बैठकले आगामी दिनमा प्रदेशस्तरीय खेल प्रतियोगिता सञ्चालन गर्ने, खेलाडीलाई बीमा कार्यक्रममा समावेश गर्ने, र स्थानीय तहसँग सहकार्य गरेर समुदायस्तरमा खेल संरचना विस्तार गर्ने विषयमा समेत निर्णय गरेको छ।
