झापाको शिवसताक्षीमा रहेको सताक्षीधाम धार्मिक तथा पर्यटन विकास समितिको अध्यक्षमा तुलाराम बोखिम पुनः निर्वाचित भएका छन् ।
बोखिम शानदार मतका साथ सताक्षीधाम धार्मिक तथा पर्यटन विकास समितिमा दोस्रो कार्यकालका लागि निर्वाचित भएका हुन् । उनले ७२४ मत प्राप्त गरेको निर्वाचन समितिका संयोजक दिपक न्यौपानेले जानकारी दिए ।
अध्यक्षका अर्का प्रत्यासी उदयप्रकाश राईले ३६९ र पूर्वउपप्रमुख समेत रहेकी भोजकुमारी नेपालले २०४ मत प्राप्त गरिन् ।
