नेतृत्वको नेपाल कम्युनिस्ट पार्टीले झापा विर्तामोडका मिटरब्याजी नबराज विमलीको घर कब्जामा लिएको छ।

महिनौंदेखि लघुवित्त, बैंक तथा बित्तीय संस्था र मिटरब्याजी विरुद्ध संघर्ष र चेतावनी दिँदै आएको उक्त पार्टीले आज विर्तामोडमा प्रदर्शन सहित विमलीको घर कब्जामा लिएको हो।

नेपाल कम्युनिस्ट पार्टीका मेची ब्युरो इन्चार्ज सुमनसिंह सी को नेतृत्वमा गएका नेताकार्यकर्ताहरुले विमलिको घरमा कालो ब्यानर राख्दै कब्जामा लिएको घोषणा गरेका छन्,। विमलिको घरमा पुगेका उनिहरुले विभिन्न नाराबाजी समेत गरेका छन्,।

नबराज विमलीले सयौं जनतालाई घरबारविहीन बनाएको , जनतालाई चरम शोषण गर्दै आत्महत्या गर्न बाध्य पारेको , शक्तिको चरम दुरुपयोग गर्दै गुन्डा प्रयोग गरेर पीडितहरुलाई धम्क्याएको आरोप नेकपाले लगाएको छ। उनले लुटेका सबै सम्पत्ति फिर्ता नगरेसम्मका लागि उनको घर कब्जा गरिएको नेकपाले जानकारी दिएको छ।

विमलीको घरमा ब्यानर राखेर घर कब्जा गरिएको घोषणा गर्दै उक्त पार्टीका केन्द्रीय सदस्य तथा मेची ब्युरो इन्चार्ज सुमनसिंह सी ले झापाका सबै मिटरब्याजीहरुलाई नेकपाले पटकपटक सच्चिन र पीडितहरुबाट ठगी गरेको रकम फिर्ता गर्न विनम्र आग्रह गर्दै आफुहरुले समय दिएको तर मिटरब्याजीहरुले नटेरेका कारण पार्टीले उनिहरुको सम्पत्ति कब्जा गर्नुपरेको बताएका छन्,।

नेता सिंहले यो शुरुआत मात्रै भएको बताउँदै झापाका सबै मिटरब्याजीहरुले ठगी गरेको सम्पत्ति पीडितलाई फिर्ता गर्न आग्रह गर्दै सोझा जनतालाई शोषण गरेर आत्महत्या गर्न बाध्य तुलाउने कार्य नरोके आम जनताको माझमा मिटरब्याजीलाई झुन्डिन बाध्य पार्ने चेतावनी दिएका छन्,।

नबराज विमलीलाई पटकपटक जनता नठग्न, मिटरब्याजको कारोबार बन्द गर्न सम्झाए पनि दादागिरी शैलीमा जनतालाई शोषण गर्न नछाडेकाले निज विमलीको घर कब्जा गरिएको उक्त पार्टीका झापा जिल्ला सचिव सञ्जय सी ले बताए । उनले झापाका सबै मिटरब्याजीहरुको लिस्ट पार्टीसँग रहेकाले कोही कसैलाई नछाड्ने चेतावनी दिएका छन्,।

केही महिना अगाडि मात्रै नेता सिंह सहितको टोलीले झापा जिल्ला प्रशासन कार्यलयसँग समेत यस विषयमा छलफल गर्दै प्रशासनले मिटरब्याजी, बैंक तथा वित्तीय संस्थाहरुको गुण्डाराज शैली नियन्त्रणमा नलिए पार्टीले नियन्त्रणमा लिने चेतावनी दिएको थियोे । जिल्ला प्रशासनसँगको छलफल पश्चात् उक्त टोलीले सोही समस्या बारे गृहमन्त्री नारायण काजी श्रेष्ठसँग भेटघाट गरी ध्यानाकर्षण गराउँदै प्रशासनले नियन्त्रणमा लिनुपर्ने अन्यथा पार्टीले जस्तोसुकै कदम चाल्ने उद्घोष गरेको थियोे । पहिलो पटक विप्लव माओबादीले मिटरव्याजीको आरोप लागेका नवराज विमलीको घर कव्जा गरेको छ । आज शनिवार विर्तामोड ५ स्थित बुधवारे हटिजा बजार सगै टासिएको ३ तल्ले घर लाइ नेपाल कम्युनिष्ट पार्टी विप्लवको नेता सुमन सिहंको नेतृत्वमा आएको २सय धेरै कार्यकर्ताहरुले घर भित्र पसि छतमा समेत चढी कालो झण्डा गाडेर घर कव्जा गरेको बताएका हुन ।
घर कव्जा गर्दै विमलीले धेरै जनालाइ मिटर व्याजमा लगानी गरि घर कव्जा गर्ने गरेको तथा खाली चेकमा हस्ताक्षेर गराइ दुख दिने गरेको बताउनुभएको छ ।घर कव्जा गरसगै गेटमा कोण सभा समेत विप्लव माओबादीले आयोजना गरेको छ ।अनलाइन